Bakıda “İnturist” otelinin açılışı olub

Mayın 5-də Bakıda “İnturist” otelinin açılışı olub.

Azərbaycan Respublikasının Prezidenti İlham Əliyev və xanımı Mehriban Əliyeva otelin açılışında iştirak ediblər.

Beşulduzlu otel “Absheron Hotel Group”a aiddir. Yeni otel Bakıdakı “İnturist” mehmanxanasının arxitektura üslubunda inşa edilib. Bina nadir memarlıq quruluşuna malikdir. Beşmərtəbəli binada 150 standart və suit nömrə, həmçinin SPA salonu, kitabxana, iclas zalı və restoran var.

Dövlət başçısı və xanımı oteldə yaradılmış şəraitlə tanış olublar, otelin kollektivi ilə görüşüblər.

Sonda xatirə şəkli çəkdirilib.