Balaban

Azərbaycan nəfəs alətlərindən biri də balabandır. Bu alətin adı “bala” (kiçik) və “ban” (xoruz səsi) sözləri ilə bağlıdır və “kiçik, erkən ban” mənasına uyğun gəlir.

Balabanın əsas hissəsi (korpusu) ərik, qoz, tut və ya armud ağacından hazırlanır. Onun uzunluğu 28-30 sm olur. Alətin üst hissəsində səkkiz dəlik açılır. Korpusun baş hissəsinə qarğıdan hazırlanmış müştük taxılır. Müştüyün üzərinə keçirilmiş xamıt vasitəsilə alətin səs ucalığı nizamlanır.

İfaçı aləti səsləndirmək üçün dərindən nəfəs alaraq havanı müştüyün içərisinə üfürür. Beləliklə, balaban səslənir. Ona görə də müştüyə “səs oyadıcısı” da deyirlər. Əslində, müştüyü balabandan ayırıb ayrıca da səsləndirmək olar. Lakin bu, hələ melodiya deyil. Melodiyanı səsləndirmək üçün ifaçı barmaqları ilə balabandakı dəlikləri açıb-yumur. Beləliklə, müştükdən gələn avaz müxtəlif maneələrə rast gələrək melodiyanı – musiqi səslərinin ahəngini yaradır.

Balabanda çox zaman aşıq havaları müşayiət olunur.

	Səsin sürəti Sәs dalğalarla yayılır. Vibrasiya edәn әşya öz vibrasiyasını qonşu molekullara, yaxud hissәciklәrә ötürür.
	Məhəmməd Füzuli Məhəmməd Füzulinin adı Azərbaycan tarixinə görkəmli şair, mütəfəkkir, tərcüməçi, Azərbaycan ədəbi dilinin yaradıcılarından biri kimi əbədi həkk olmuşdur.
	Fitnə Bəhram şah mahir ovçu idi. Hər dəfə ovdan sonra öz şücaəti ilə öyünərdi. Şahın Fitnə adlı gözəl bir kənizi vardı. Bu kəniz heç vaxt Bəhram şahın ovçuluq məharətini tərifləməzdi.
	Qızılgül Qızılgüləm, qızılgül, Məni sevər hər könül. Yaşıldır incə belim, Qızıldandır hər telim.
	Göyqurşağı Göyqurşağı təbiətin ən gözəl hadisələrindəndir. Qırmızı, narıncı, sarı, yaşıl, mavi, göy və bənövşəyi kimi əsas rənglərdən ibarətdir.
	Böyük xeyriyyəçi Hacı Zeynalabdin Tağıyevin atası başmaqçı idi. Bu peşəsi ilə pul qazanıb ailəsini dolandırırdı. 10 yaşına çatanda Zeynalabdin atasından xahiş elədi ki, onu bir işə qoysun.

Oxu