Fransaya səfər

Azərbaycanın birinci xanımı, Heydər Əliyev Fondunun prezidenti Mehriban Əliyeva 2014-cü il sentyabrın 17-19-da Fransada səfərdə olub.

“Qobustan kölgələri” baletinin nümayişi və Qobustanın qayaüstü rəsmlərinin fotoşəkillərindən ibarət sərginin açılışı

Sentyabrın 17-də Qobustanın UNESCO-da tanıtımı çərçivəsində “Qobustan kölgələri” baletinin nümayişi və Qobustanın qayaüstü rəsmlərinin fotoşəkillərindən ibarət sərginin açılışı olub.

Mərasimdə iştirak edən Mehriban Əliyeva UNESCO-nun baş direktoru İrina Bokova ilə görüşüb. Görüşdə Azərbaycan ilə UNESCO arasında həyata keçirilən layihələrin əhəmiyyətindən danışılıb. Qobustanla bağlı UNESCO-da baş tutan təqdimatın önəmi vurğulanıb, ikitərəfli əlaqələrin bundan sonra da genişlənəcəyinə əminlik ifadə olunub.

Sonra “Qobustan kölgələri” baleti nümayiş etdirilib.

Həmin gün Azərbaycanın UNESCO yanında daimi nümayəndəliyinin təşkilatçılığı, Heydər Əliyev Fondunun və Mədəniyyət və Turizm nazirliyinin dəstəyi ilə Qobustanın qayaüstü rəsmlərinin fotoşəkillərindən ibarət sərginin açılışı da olub.

Parisdə “Azərbaycan şəhərciyi”nin açılışı

Sentyabrın 19-da Parisin San-Sülpis meydanında Heydər Əliyev Fondu tərəfindən “Azərbaycan şəhərciyi” təşkil olunub. Mehriban Əliyeva mərasimdə iştirak edib.

Açılış mərasiminə Parisin 6-cı rayonunun meri Jan-Pyer Lökoq və Fransada Azərbaycanın Dostları Assosiasiyasının prezidenti Jan-Fransua Mansel də qatılıblar.

“Azərbaycan şəhərciyi” ölkəmizin tarixi və mədəniyyəti, o cümlədən turizm imkanlarının tərənnümünə həsr olunan müxtəlif sərgiləri özündə birləşdirir. Şəhərciyin təşkilində əsas məqsəd xaricdə Azərbaycanın daha yaxşı tanıdılması, Fransada və onun paytaxtında bununla bağlı təbliğat xarakterli tədbirlərin davamlılığının təmin olunmasıdır.

Mehriban Əliyeva tədbirdə çıxış edib.

Sonra “Azərbaycan şəhərciyi” ilə tanışlıq olub.

Tədbir tanınmış caz ifaçısı, Əməkdar artist İsfar Sarabskinin konserti ilə davam edib.

17-19 sentyabr 2014-cü il

	Səsin sürəti Sәs dalğalarla yayılır. Vibrasiya edәn әşya öz vibrasiyasını qonşu molekullara, yaxud hissәciklәrә ötürür.
	Məhəmməd Füzuli Məhəmməd Füzulinin adı Azərbaycan tarixinə görkəmli şair, mütəfəkkir, tərcüməçi, Azərbaycan ədəbi dilinin yaradıcılarından biri kimi əbədi həkk olmuşdur.
	Fitnə Bəhram şah mahir ovçu idi. Hər dəfə ovdan sonra öz şücaəti ilə öyünərdi. Şahın Fitnə adlı gözəl bir kənizi vardı. Bu kəniz heç vaxt Bəhram şahın ovçuluq məharətini tərifləməzdi.
	Qızılgül Qızılgüləm, qızılgül, Məni sevər hər könül. Yaşıldır incə belim, Qızıldandır hər telim.
	Göyqurşağı Göyqurşağı təbiətin ən gözəl hadisələrindəndir. Qırmızı, narıncı, sarı, yaşıl, mavi, göy və bənövşəyi kimi əsas rənglərdən ibarətdir.
	Böyük xeyriyyəçi Hacı Zeynalabdin Tağıyevin atası başmaqçı idi. Bu peşəsi ilə pul qazanıb ailəsini dolandırırdı. 10 yaşına çatanda Zeynalabdin atasından xahiş elədi ki, onu bir işə qoysun.

Oxu